Wani  dan Boko haram ya mika kansa ga Rundunar sojin Najeriya

Rundunar Sojin kasar nan ta tabbatar da cewa wani  dan Boko Haram mai suna Sajeh Yaga, ya mika kansa ga dakarun Operation Hadin Kai a jihar Borno.

Shafin X na kwararren  mai sharhi kan yaki da tada kayar baya a yankin tafkin Chadi, Zagazola Makama, ya tabbatar da  cewa, dan ta’addan ya mika wuya ne tare da bindiga kirar Ak47 guda daya, Mujallun Bindigar  guda hudu da wayar hannu ta Tecno guda uku da sauran wasu  kayayyakin.

Dan ta’addan, wanda ya tsere daga sansanin Boko Haram da ke Yale, a dajin Sambisa, ya mika kansa ga dakarun bataliya ta 112 a Mafa a jiya Lahadi.