Wani harin roka ya yi sanadiyar tashin gobara a kasar Saudiya

Kasar Saudi Arebiya ta ce gobara ta tashi a daya daga cikin matatun manta a jiya alhamis bayan wani hari da aka kai wajen.

Ma’aikatar makamashin kasar ba ta bayyana wanda ke da hannu a harin da aka kai ba a birnin Jizaan da ke kudu maso yammacin kasar sai dai a baya-bayan nan kungiyar Houthi da ke kasar Yemen ta yi kaurin suna wajen kai wan irin wadannan hare-haren.

Tun farko, kawancen da Saudi Arebiya ke jagoranta wanda ke yaki a kasar Yemen ya ce, ya lalata jirage marasa matuki da ‘yan tawayen Houthi ke amfani dasu.

‘Yan tawayen Houthi dai sun sha kai hare-hare kan cibiyoyin man Saudiya