WTA : Naomi Osaka ce ta 9 a duniya a kwallon Tennis

‘Yar wasan kwallon Tennis, Naomi Osaka ta zama ta Tara a cikin jerin jaddawalin ‘yan wasan kwallon Tennis na mata.

Hukumar wasan kwallon Tennis ta mata WTA, ita ce ta sanar da hakan a yau Litinin, yayin da ‘yar wasan ke tunkarar wasan ta a gasar US Open bayan ta fice daga wasan karshe a gasar Western & Southern Open.

Osaka dai ta gaza fafata wasan karshe a gasar ta Western & Southern Open sakamakon rauni da ta samu, lamarin da ya bai wa abokiyar karawarta, Victoria Azarenka wadda ke rika da lamba 27 a duniya.

Yayin da Ashleigh Barty ta zo ta daya sai Simona Halep a matsayi ta 2 sai Karolina Pliskova ta 3, sai Sofia Kenin ta 4 sai kuma Elina Svitolina ta 5.