Connect with us

Jigawa

Yaƙi da bahaya a sarari: An hana ɗaura aure sai da shaidar haƙa masai a Jigawa

Published

on

Majalisar ƙaramar hukumar Ɓaɓura a jihar Jigawa ta zartar da dokar hana ɗaura Aure har sai an gabatar da shaidar haƙa Masai a gida bisa tsari.

Shugaban ƙaramar hukumar ɓaɓura Alhaji Lawan Isma’il Kanya ne ya bayyana hakan a zantawarsa da Freedom Radio.

Kanya ya ce, maƙasudin samar da dokar shi ne a daƙile ɗabi’ar bahaya a sarari da kuma gyaran tarbiyyar ƙananan yara”.

“mun samu ƙorafi kan yadda ake samun ɗabi’ar yin bahaya a fili kuma irin wannan yana janyo yawaitar fyaɗe”.

Ya kuma ce, tuni majalisa ta sanya hannu kan dokar wadda kuma an rarraba ta ga masu ruwa da tsaki na ƙaramar hukumar.

Sai dai ya ce, dokar zata tabbatar da an hana ɗauka aure gabanin gabatar da shaidar samar da banɗaki a muhalli kuma za a fara aiwatar da dokar makwanni biyu masu zuwa.

Click to comment

You must be logged in to post a comment Login

Leave a Reply

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Archives

Copyright © 2019. Freedom Radio Group. All Rights Reserved.

error: Content is protected !!