Yaƙi da rashawa: Muhyi ya fara raba kayan tallafin Corona da ya ƙwato

Hukumar yaƙi da cin hanci da rashawa ta Kano ta rabar da wasu kayayyakin tallafin cutar Corona da ake zargin kansilan mazabar Kabuga da karkatar da su ba bisa ƙa’ida ba.

Shugaban hukumar Muhyi Magaji Rimin Gado ya ce, an zargi kansilan mazaɓar Kabuga da karkatar da kayan tallafin, a saboda haka ne yanzu suka sami izni daga kotu domin rabar da kayan ga waɗanda suka cancanta.

Muhuyi magaji ya ce, tsoron kada kayan su lalace ya sanya suka bukaci kotu ta basu damar rabar da kayayyakin ga mabukata.
A nasu bangaren wadanda suka amfana da tallafin sun bayyana farin cikinsu da godiyarsu ga hukumar.