Yadda aka sami asarar rayuka a hatsarin mota a Kano

Ana fargabar mutane biyu sun rasa rayukansu sanadiyar wani mumman hatsarin mota da ya abku da ranar yau akan titin western bye pass da ke nan birnin Kano.

Shaidun gani da ido sun ce hatsarin ya faru ne lokacin da wani babur din adaidaita sahu ya kaucewa fadawa rami wanda sanadiyar haka ya kora wasu matasa biyu da ke kan babur kirar Jincheng suka fado gaban wata motar dakon kaya wadda ta takesu.

Wasu daga cikin wadanda lamarin ya faru akan idanunsu, sun shaidawa freedom radio cewa, motar dakon kayan, tabi ta kan matasan ne bayan da suka fadi daga kan babur din.

Wakilin mu Umar Idris ya ruwaito cewa, tuni ‘yan sandan suka dauki matasan zuwa asibiti.