Yadda jirgin shalkwabta ya fado a Lagos

Wani jirgin shalkwabta da ya fado a wani gini a jihar Lagos yayi sanadiyyar mutuwar mutane biyu wanda har yanzu ba a kai ga tantance ko su wanene ba.

Rahotannin sun bayyana cewa jirgin shalkwabtar mai dauke da fasinjoji uku ana kyautata zaton ya taso daga wata jihar ne inda kuma da misalin karfe 12 na ranar yau Juma’a ya yi hatsari.

Shugaban hukumar bada agajin gaggawa ta jihar Lagos Olafemi Oke-Osanyintolu ne ya tabbatar da faruwar lamari, inda yace mutane biyu sun rasu nan take,

Ya yin da guda daya daga ciki aka mika shi zuwa sashin bada agajin gaggawa na asibitin koyarwa na jihar Lagos.

Olufemi ya kara da cewa, sun samu kiran gaggawa dake bayyana cewa wani shalkwabta ya fado kan wani gini a Ikeja dauke da mutane uku.

Yana mai cewa tuni hukumar su ta aike da gawarwakin mutanen zuwa bangare adana gawa na asibitin jihar Lagos yayin dayan ke karbar kulawa ta musamman.