Yahya Koshak, Mutumin da ya fara Yashe Rijiyar Zamzam Ya Rasu

Dr. Yahya Koshak mutumin da ya fara shiga rijiyar Zamzam yayin wani aikin yasa da aka gudanar a alif da dari tara da saba’in da tara (1979), ya rasu yana da shekaru 80.

Dr Yahya Koshak ya rasu ne a jiya litinin daya ga watan Maris.

Ya kasance tsohon darakta janar na hukumar kula da albarkatun ruwa ta kasar Saudiya.

A cikin wata sanarwa da kwamitin ‘Haramain’ da ke kula da masallatan harami biyu da ke biranen Makkah da Madina ta fitar, ta ce, Injiniya Yahya Koshak shine mutum na farko da ya fara shiga cikin rijiyar Zamzam wanda aka sani a tarihi yayin wani aikin kwaskwarima da aka yiwa rijiyar a alif da dari tara da saba’in da tara (1979) lokacin mulkin Sarki Khalid.

Sanarwar ta kuma yi addu’ar All.. ya jikansa ya bai wa iyalansa hakurin jure rashi.