Yan bindiga sun kashe Dagacin Aujarawar Alkali da ke Gezawa

Yan bindiga sun kashe Dagacin Aujarawar Alkali da ke yankin karamar hukumar Gezawa Malam Ahmad Yakubu, bayan da su ka yi garkuwa da shi a kwanakin baya.

Rahotonni sun bayyana na cewa, an tsinci gawar marigayin inda bayan kai shi asibiti aka tabbatar da rasuwarsa.

Tuni dai aka gudanar da jana’izar marigayin a yau Laraba, kamar yadda addinin Musulunci ya tsara.

Tun a daren ranar Alhamis din 17 ga watan nan da mu ke ciki na Satumbai ne ‘Yan bindigar suka kutsa cikin gidansa da ke karamar hukumar Gezawa inda su ka sace shi.