‘Yan jaridu sun nemi Ganduje ya biya bashin ‘yan fansho

Kungiyar ‘yan jaridu ta kasa ta bukaci gwamnatin jihar Kano da ta biya tarin bashin kudaden ariya-ariya da garatuti da ‘yan fansho a jihar ke binsu na tsawon watanni.

Hakan na cikin wata sanarwar ce ta hadin guiwa da shugaban kungiyar ta NUJ reshen jihar Kano, Abbas Ibrarim da sakataren kungiyar, Abba Murtala suka fitar, jim kadan bayan kammala taron kungiyar a yau Asabar.

Tun a watan Yunin da ya gabata ne shugaban kwamitin amintattu da ke kula da asusun ‘yan fansho na jihar Kano, Alhaji Sani Gabasawa ya bayyana cewa, gwamnatin ta gaza biyan kudaden ‘yan fansho wanda ya kai sama da naira biliyan ashirin.

Sanarawar ta bukaci gwamnatin da ta yi duba kan halin da ‘yan fansho ke ciki na rashin biyan su kudaden su.

Karin labarai:

Gwamnatin jihar Jigawa ta fara biyan ‘yan Fansho

Kudin da ‘yan fansho ke amsa ya yi kankata- Hamza Sule Wuro-Koki