‘Yan kungiyar  Boko Haram sun kai hari a jihar Adamawa

Kungiyar Boko Harama ta kai hari a wani kauye dake karamar hukumar Madagali a jihar Adamawa.

‘Yan Boko Haram sun dai kai harin da yammacin jiya Litinin yayin da suka yi wa kauyen mai suna Kirchinga tsinki kuma bayan kai harin ne suka cinawa kauyen wuta yak one wasu daga cikin gidajen mazauna yankin.

Wani mazaunin yankin ya shedawa jaridar The Nation cewa ‘yan kungiyar Boko Haram din sun shiga kauyen ne cikin wasu motoci da Babura yayin da suka yi ta harbe-harben iska.

Yayin harbe-harben sun kwashe kayayyakin abinci a cikin shagonan mutane daga bisani kuma suka kone gidaje a gefe guda kuma mutane suka yi ta gudu don tsira da rayukan su.