‘Yan Najeriya 186 ne aka kwaso daga kasar Afrika ta Kudu

Gwamnatin tarayya ta kwaso wasu ‘yan kasar nan mazauna Afirka ta kudu su 186 wadanda suka makale acan sakamakon cutar corona.

A cikin wata sanarwa mai dauke da sa hannun mai magana da yawun ministan harkokin kasashen wajen kasar nan Sarah Sanda, ta ce jirgin ‘yan Najeriyar ya bar filin jirgin saman Tambo da ke birnin Johannesburg da misalin kare hudu da rabi agogon kasar ta afurka ta kudu a yau Alhamis.

Ya zuwa yanzu dai acewarta jimillar ‘yan NAJERIYA dubu goma ne wadanda aka rufe kofa da su a wasu kasashen duniya sakamakon cutar covid-19 aka dawo da su gida.