‘Yan sanda a Jigawa sun kama mutane 17 da zargin aikata laifuka

Rundunar ’yan sandan jihar Jigawa ta ce ta kama mutane goma sha bakwai da ake zargi da aikata laifuka daban-daban a sassan jihar.

‎Laifukan sun hada da sata, fasa shaguna, satar shanu, lalata kayayyakin jama’a da fashi da makami.

‎Mai magana yawun rundunar ‘yan sandan jihar, SP Shiisu Lawan Adam, ya ce an gudanar da samamen ne a wasu kananan hukumomi bayan samun bayanan sirri.

‎Ya ce jami’an sun kama wasu mutane uku da ake zargi da satar babur ɗin Boxer mai darajar kusan Naira miliyan 1.2.

‎Rundunar ta ce an gurfanar da wadanda aka kama a gaban kotu, yayin da ake ci gaba da bincike.

‎Kwamishinan ’yan sandan jihar, CP Tijjani Murtala, ya ce rundunar za ta ci gaba da amfani da bayanan sirri da haɗin gwiwar jama’a wajen yaki da miyagun laifuka.