Yan sanda a Jigawa sun tabbatar da mutuwar wata mata da mijinta ya soka mata wuka

Rundunar ‘yan sanda Jihar Jigawa ta cafke wani magidanci da ake zargi da sanadiyyar mutuwar matarsa.

Mai magana da yawun rundunar ASP Lawan Shisu ne ya bayyana hakan a daren jiya Laraba 08 ga Satumbar shekarar 2021 ga manema labarai.

Badaru ya biya ‘yan Fanshon Jigawa hakkin su

Lawan Shisu ya ce lamarin ya faru ne a Kauyen Makadi dake Karamar hukumar’Ba’bura a jihar ta Jigawa, inda mijin matar Abdulmumin ya sokawa matar ta sa mai suna Sahura wuka hakan kuma ya yi sanadiyyar mutuwar ta.

Jami’in hurda da jama’a na rundunar ‘yan sandan jihar ta Jigawa ASP Lawan Shisu na gargadin jama’a kan su guji daukar doka a hannun su.