‘Yan Shi’a sun yi bikin Easter da kiristoci a cocin katolika

Kungiyar mabiya shi’a bangaren Zakzaky sun gudanar da bikin Easter da mabiya addinin kirista a wani coci da ke birnin Yamai a jamhuriyar Nijar.

Rahotanni sun ce ‘yan shi’ar wadanda suka je cocin na katolika su hamsin sun taya mabiya addinin kirista murnar bikin na Easter.

Kaso casa’in da tara na al’ummar kasar Jamhuriyar Nijar mai dauke da mutane miliyan ashirin da uku da dubu ashirin da uku musulmi ne yayin da kiristoci ke da kaso daya.

Bayanai sun tabbatar da cewa kusan kashi goma cikin dari na al’ummar musulmin kasar ta Jamhuriyar Nijar mabiya shi’a ne.