‘Yan wasan Golf hudu ne za su fafata a Bayelsa

Kwararrun ‘yan wasan kwallon Golf daga kasashe hudu na Afrika zasu fafata a gasar cin kofin gwamnan jihar Bayelsa Douye Diri.

Za dai a fara wasan ne daga ranar hudu ga watan Maris kuma a kammala ranar bakwai ga watan na Maris din.

Kazalika kasashen da zasu fafata a gasar sun hadar da Zimbabwe da Ghana da Gabon da kuma Cameroon wanda za a gudanar a garin Yenagoa dake a jihar ta Bayelsa.

An dai shirya wannan gasar ne domin taya gwamna Douye Diri murnar cika shekara daya a kan kujerarsa tare da kuma kaddamar da matsakaicin filin wasan Golf da gwamnan ya gina.