Yanzu-yanzu: Ganduje da wasu Gwamnonin Arewa sun tafi Oyo

Gwamnonin Arewa maso yamma sun kama hanya domin zuwa jihar Oyo kan rikicin ƙabilancin da ke faruwa a jihar.

Mai taimaka wa Gwamnan Kano kan yaɗa labarai Salihu Tanko Yakasai shi ne ya tabbatar da hakan ga Freedom Radio.

Yakasai ya ce, tawagar ta haɗa da Gwamnan Kano Dr. Abdullahi Umar Ganduje da kuma Gwamnan jihar Zamfara Bello Muhammad Matawalle.

Da kuma Gwamnan jihar Sokoto Aminu Waziri Tambuwal da na Kebbi Alhaji Atiku Abubakar Bagudu.

Gwamnonin sun kama hanyar ne bayan da suka kammala taron ganawa da masu ruwa da tsaki kan matsalar tsaro a Arewa wanda suka yi a jihar Kaduna.