Yanzu-yanzu: Gwamna ya umarci a janye dokar hana zirga-zirga

Gwamnan jihar Kano Injiniya Abba Kabir Yusuf ya umarci kwamishinan ƴan sanda da ya janye dokar hana zirga-zirga ta awanni 24 da aka sanya.

Gwamnan ya ce, janye dokar zai baiwa al’umma damar su fita su ci gaba da harkokin su kamar yadda suka saba.

Abba Kabir Yusuf ya baƙaci hakan da yammacin Alhamis ɗin nan ta bakin kwamishinan yaɗa labarai Baba Halilu Ɗantiye yayin zamam zartarwa.

Baba Halilu Ɗantiye ya ƙara da cewa kasancewar gobe juma’a da kuma irin halin da al’umma suke ciki na rashi, ya sa gwamnan ya bada wannan umarni domin a samar da sauƙi ga halin da ake ciki.

Sai dai gwamnan ya umarci al’umma da su kasance masu bin doka da oda domin wanzar da zaman lafiya a faɗin jihar Kano.