Bayan sanar da sakamakon zabe: Gwamnatin Ganduje ta sanya dokar takaita zirga-zirga

Bayan ayyana Abba Kabir Yusuf a matsayin wanda ya samu nasara, Gwamnatin jihar Kano, ta sanya dokar hana fita daga safiyar yau Litinin.

Gwamnatin ta sanya dokar ne ta cikin wata sanarwa da Kwamishinan yada labarai da harkokin cikin gida Malam Muhammad Garba, ya fitar da safiyar Litinin din nan.

Sanarwar ta ce, an sanya dokar ne domin dakile yunkurin tayar da tarzoma bayan bayyana sakamakon zaɓen gwamna.

Haka kuma ta cikin sanarwar, gwamnatin jihar Kano, ta bukaci al’ummar jihar da su kasance masu rungumar zaman lafiya, ta hanyar kaurace wa duk wata fitina.