Yanzu-yanzu- Sojojin kasar Chadi sun nada sabon shugaban kasar na rikon kwarya

Sojojin kasar Chadi sun sanar da Maahamat Kaka Idriss Deby Itno, dan shekara 37, a matsayin sabon shugaban kasar na rikon kwarya.

Sabon shugaban rikon kwaryar ‘da ne ga marigayi tsohon shugaban kasar Idriss Deby.

Sanarwar to zo ne sa’o’i kadan bayan sanar da rasuwar shugaban kasar Idriss Deby, wanda ya rasu kwana guda bayan ayyana shi a matsayin wanda ya lashe zaben karo na shida, yana da shekaru 68.

Sojojin sun ce Deby ya jagoranci rundunarsa a karshen makon da ta gabatar zuwa sansanin sojin dake yaki da yan tawaye wadanda suka kaddamar da wani gagarumin kutse zuwa arewacin kasar a ranar zabe.