UEFA zata iya hana Neymar buga wasan karshe na champion leage

Gwarzon dan wasan kungiyar kwallon kafa ta PSG Neymar na fuskantar barazanar dakatarwa daga doka wasan karshe a gasar zakarun nahiyar Turai ta UEFA sakamakon canjin riga da yayi bayan da kungiyarsa tayi nasara a wasan kusa da na karshe da RB Leipzig.

Bayan da PSG tayi nasarar doke RB Leipzig da ci 3 da nema a kasar Portugal sai Neymar da dan wasan RB Leipzig Marcel Halstenberg su kayi masanyar riga.

A na dai tuhumar Neymar da take dokar cutar Corona, lamarin da ka iya sanyawa a hana dan wasan taka leda a wasan karshe a gasar.

Rahotanni na cewa, yayin da aka dawo cigaba da gasar ta UEFA daga hutun Corona, an saka dokar hana doka wasa daya ga dukkan dan wasan da aka samu da canjin riga yayin gudanar da wasa tare da killacesa har tsawon kwanaki 12.