Za a samar da cibiyoyi 12 na masu fama da cutar Daji a kasar nan – Buhari

Gwamnatin tarayya ta amince da kafa sababbin cibiyoyin kula da masu fama da cutar daji a wasu asibitoci goma sha biyu da ke sassa daban-daban na kasar nan.

Ministan lafiya Osagie Ehanire ne ya bayyana hakan a wani bangare na bikin ranar masu fama da cutar ta daji ta duniya da ake gudanarwa ranar 04 ga watan Fabrairun kowacce shekara.

Ya ce samar da wadanda sababbin cibiyoyi zai taimaka wajen rage kaso hamsin cikin dari na kudade da masu fama da cutar ke kashewa.

Ministan ya ce gwamnatin ta sanya sabbin na’urorin kula da masu fama da cutar daji a asibitocin koyarwa na jami’ar Nigeria da ke Nsukka dana Benin da Sokoto da Ibadan dana Shika da ke Zari’a da sauran wasu asibitocin da dama.