Za mu daukaka kara kan umarnin amfani da katin wucin gadi- INEC

Hukumar INEC, ta ce, za ta daukaka kara kan batun umarnin da kotun tarayya ta bayar kan ta amince da yin amfani da katin zabe na wucin gadi a yayin zaben gwamnoni da ke tafe.

A wani sako da hukumar INEC ta wallafa a shafin ta na Twitter ta ce, ta karbi kwafin takardar umarnin babbar kotun tarayyar kan batun ba da damar yin zabe ga masu katin zabe na wucin gadi.

A jiya Alhami ne babbar kotun tarayya da ke Abuja ta bai wa hukumar zabe INEC umarnin amincewa da batun kada kuri’a, ga masu katin zabe na wucin gadi a zaben gwamnoni da ke tafe.

Mai shari’a Obiora Egwuatu ne ya bada umarnin biyo bayan korafin wasu yan Nijeriya kan rashin samun katin zaben su na din-din-din, wanda hakan ke nuna cewa ba za su samu damar yin zaben bana ba.