Buhari ya yi ganawar sirri da takwaransa na Ghana

Shugaban kasa Muhammadu Buhari yayi ganawar sirri da takwaransa na Ghana Nana Akufo-Addo daren jiya a fadar sa.

Mai taimakawa shugaba Buhari kan shafukan sada zumunta Bashir Ahmad ne ya wallafa hakan a shafin Twitter.

Sai dai Bashir Ahmad bai bayyana dalilin ganawar shugabannin biyu ba, sai dai an alakanta zaman na su da matsalolin diflomasiyya tsakanin Najeriya da kasar ta Ghana.