Najeriya ba zata iya samar da riga-kafin cutar Corona ba – NCDC

Cibiyar dakile yaduwar cututtuka ta kasa NCDC, ta ce, kasar nan ba za ta iya samar da wadataccen rigakafin cutar corona ba a wannan lokaci.

Babban daraktan cibiyar Dr. Chikwe Ihekweazu ne ya bayyana hakan a jiya Litinin ta cikin wata tattaunawa da aka yi da shi a gidan talabijin da ke birnin tarayya Abuja.

Ya ce, ko da yak e suna iya kokarinsu don samar da rigakafi matukar akwai dama, yana mai cewa da yawa daga cikin rigakafin da kasar nan ke amfani da su, na zuwa daga kasashen ketare musamman India.