Gwamna Abba zai rantsar da Murtala Garo a matsayin mataimakinsa

Gwamnan jihar Kano, Alhaji Abba Yusuf, zai rantsar da sabon mataimakinsa Murtala Sule Garo, a yau Talata,

Za a gudanar da bikin rantsuwar ne a dakin taro na Coronation Hall da ke gidan gwamnati da ƙarfe 11:00 na safe.

A wata sanarwa da mai bai wa gwamnan shawara kan harkokin yada labarai, Ibrahim Adam, ta tabbatar da cewa an shirya taron tare da gayyatar manyan ‘yan siyasa, masu ruwa da tsaki, da jama’a domin halarta wannan muhimmin lamari na siyasa a jihar.

Wannan dai na zuwa ne bayan tantancewar da majalisar dokokin jihar ta Kano ta yi wa Murtala Sule Garo tun bayan da Gwamna Abba Kabir Yusuf ya aike mata da sunan sa.

Haka dai ya biyo bayan aije aiki da tsohon mataimakin gwamnan Comrade Aminu Abdussalam Gwarzo Murabus ya yi sakamakon raba gari da gwamnan Kano ya yi da su zuwa jam’iyyar APC mai mulkin kasa