Labaran Kano
‘Yan sanda sun kara ceto yara biyu da aka sace a Anambra
Rundunar ‘yan sanda ta jihar Anambra ta cafke wasu mata 3 da aka samu da kananan yara guda biyu ‘yan kimanin shekaru 2 zuwa 4, an cafke matan ne a yankin kasuwar Nkpor/Tarzan Junction dake karamar hukumar Idemili ta arewa dake jihar Anambra.
Cikin wata sanarwa mai dauke da sa hannun kakakin rundunar ‘yan sanda ta jihar Anambra SP. Haruna Muhammad ta bayyana cewa izuwa yanzu dai basu kai ga gano asalin inda iyayen yaran suke ba, amma dai suna cigaba da bincike.
Shima a nasa bangaren kakakin rundunar ‘yan sanda ta jihar Kano DSP. Abdullahi Haruna Kiyawa ya bayyana Freedom Radio cewa rundunar ‘yan sanda ta jihar Anambra ta aiko musu da wannan bayani kuma suna kira ga al’umma ga duk wanda ya san wadannan yara to ya hanzarta ya tuntubesu.
Duba hotunan yaran a kasa:
RUBUTUKA MASU ALAKA:
Yadda hukumar Hisbah ta sauke ‘yan kwamitin gudanarwarta
