A sanya Kalandar musulunci a manhajar karatu – Malam Mai Anwaru

Limamin masallacin juma’a na Jami’ul Anwar da ke Tudun Yola Malam Abdulkadir Shehu Mai Anwaru ya yi kira ga gwamnati da ta sanya kalandar musulunci a manhajar karatu a makarantu.

Mai Anwaru ya bayyana hakan ne a wajen taron wa’azin sabuwar shekara da aka gudanar daren jiya Alhamis.

Ya ce, yana da kyau yara masu tasowa su san irin gwagwarmayar da sahabban manzon Allah A.S.W suka sha don tsara lissafin watannin musulunci.

Malam Abdulkadir Mai Anwaru ya kara da cewa, dukkanin halin da duniya da tsinci kan ta a ciki na fargaba na da nasaba da sabo ubangiji inda ya yi kira da al’umma da kuma masu ruwa da tsaki da su dage wajen yin addu’a don samun mafita.

Wasu daga cikin mahalarta taron wa’azin da suka zo daga kananan hukumonin jihar Kano sun bayyana yadda wa’azin ya kara musu karsashi musamman ta snin yadda sahabbai suka yi kokari na ganin an samar da kalandar musulunci.

Wakiliyar mu Madina Shehu Hausawa ta ruwaito cewa manyan malamai da dama ne suka halarci wa’azin, karo na uku wanda kuma za a shafe tsahon wata guda ana gudanar da shit un daga daya ga watan Muharram zuwa karshen watan.