Adadin masu Corona ya haura 200 a Kano

Gwamnatin jihar Kano ta ce yanzu haka adadin wadanda suka kamu da cutar Covid-19 ya kai 219 a jihar.

Ma’aikatar lafiya ta jihar Kano ta wallafa a shafinta na Twitter cewa a ranar Alhamis kadai an samu karin mutane 80 da aka samu na dauke da cutar a jihar.

Har ila yau ma’aikatar lafiyan ta Kano ta nemi al’ummar jihar kan suyi biyayya ga matakan da gwamnati ke dauka domin dakile cutar.

Wannan da na zuwa ne bayan da karin cibiyar gwajin cutar Covid-19 ta biyu a jami’ar Bayero ta fara aiki.