AFCON: Babu wani kalubale dan Super Eagles ta bi ta ruwa zuwa jamhoriyar Benin – Pinnick

Shugaban hukumar kwallon kafa ta Najeriya NFF Amaju Pinnick, ya ce, shi bai ga wani kalubale ba dan tawagar Super Eagles ta bi jirgin ruwa zuwa jamhoriyar Benin a wasan share fagen gasar cin kofin Afirka da za su hadu.

Mai horas da kungiyar ta Super Eagles, Gernot Rohr ne ya sanar cewa akwai yiwuwar tawagar ‘yan wasan su tafi ta ruwa saboda lalacewar hanyar da ta hada Najeriya da Jamhoriyar ta Benin.

Haka zalika, hukumar ta NFF ta tabbatar da cewa za a buga wasan da Najeriya za ta fafata da Lesotho, a filin wasa na Teslim Balogun dake jihar Lagos.

Super Eagles dai za ta barje gumi da Crocodiles a rukunin L a wasannin na share fagen gasar cin kofin na Afirka, a ranar 30 ga watan Maris din shekarar 2021.