Aikin Allah: Hisbah ta yi rabon tallafi

Hukumar Hisbah ta jihar Kano ta raba kayan tallafi ga marasa lafiya a asibitin Bamalli Nuhu da ke kofar Nassarawa.

Babban kwamandan hukumar Sheikh Muhammad Harun Ibn Sina ne ya jagoranci raba tallafin ga marasa lafiya a yau.
Ya ce, tallafin zai ragewa marasa lafiya radadin halin da suke ciki musamman a wannan lokaci da ake fuskantar matsin rayuwa.

Da take karbar tallafin a madadin shugabar asibitin Dakta Halima Ibrahim Magashi ta bukaci kungiyoyi da daidaikun al’umma da su ci gaba da tallafawa marasa lafiya a koyaushe.

Wakilinmu Muhammad Harisu Kofar Nassarawa ya rawaito cewa, marasa lafiya da dama ne suka samu tallafin tare da bayyana farin cikin su, bisa kayan da aka basu.