Aisha Buhari ta dawo gida Nigeria bayan kwashe watanni shida a Dubai

Mai dakin shugaban kasa Hajiya Aisha Buhari ta dawo gida Nigeria bayan kwashe tsawon watanni shida a birnin Dubai na kasar Hadaddiyar Daular Larabawa.

Wani shaidar da ke kusanci da mai dakin shugaban kasar da ya bukaci a sakaya sunansa, ya shaidawa jaridar Daily Trust cewa, Aisha Buhari wadda ta bar Nigeria tun a watan Satumban shekarar da ta gabata ta (2020) jim kadan bayan bikin ‘yar ta’ Hanan yanzu haka tana fadar shugaban kasa ta Asorok da ke Abuja.

‘‘Tun a daren jiya laraba ne dai mai dakin shugaban kasar ta dawo gida Nigeria’’ a cewar majiyar.