Akwai fargabar samun rikici yayin zabukan gwamna a Kano da Kaduna- TMG

Kungiyar gamayyar fararen hula da ke sanya ido kan harkokin zabe da inganta dimukradiyya a Nijeriya watau Transition monitoring Group TMG, ta ce, akwai fargabar samun rashin kwanciyar hankali a jihohin Kano da Kaduna yayin zabukan gwamna da za a yi ranar 18 ga watan nan na Maris.

Shugaban gamayyar kungiyoyin kuma shugaban Transference International a Nijeriya Malam Auwal Musa Rabsan Jani, ne ya bayyana hakan a zantawarsa da Freedom Radiyo.

Ya ce, barin ‘yan siyasa na yin amfani da ‘yan daba da bata-gari a lokacin zabe babban ci baya ne ga dimukradiyya kamar yadda yake shirin faruwa a jihohin Kano da Kaduna.