Akwai yiwuwar karin farashin wutar lantarki – NERC

Hukumar kula da harkokin lantarki ta kasa NERC ta ce zata sake nazari kan yiwuwar samun karin haraji ga kamfanonin da ke raraba hasken wutar lantarki a kasar nan 11 a watan Yuli mai kamawa.

Hukumar na bayyana hakan ne ta cikin wata sanarwa da ta fitar ga kamfononin rarraba wutar lantarkin, a wani mataki na sanar da kwastomomi yiwuwar tashin farashin da za a iya samu anan gaba.

A cewar ta, karin farashin na zuwa ne biyo bayan yadda ake samun tashin farashin iskar gas da sauran kayayyakin bukata.

NERC ta kuma ce, dama dokar hukumar ta bada damar nazartar farashi duk bayan watanni shida.