Ambaliyar ruwa ta rushe fiye da gidaje 35 a Kwara

Wani mamakon ruwan sama da aka tafka  a yankin Igbonna da ke karamar hukumar Oyun ta jihar Kwara ya yi awon gaba da fiye da gidaje aƙalla.

Rahotonni sun bayyana cewa, lamarin ya faru ne a ranar Alhamis din da ta gabata.

Mai magana da yawun hukumar kashe gobara ta jihar Kwara, Hassan Adekunle, ya tabbatarwa manema labarai afkuwar lamarin a ranar Juma’a, kamar yadda Jaridar Punch ta ruwaito.

Ya kara da cewa, ruwan saman ya ɗaiɗaita mutane da dama wanda ya sa kuma suka rasa matsugunansu.

jami’in ya kuma ce, ruwan sama kamar da bakin kwarya da aka yi a yankin ya yi mummunar illa ga al’umma.