Connect with us

Labarai

Hukumar EFCC ta gano ma’aikatan bogi 1000 a jihar Kwara

Published

on

Hukumar EFCC mai yaki da masu yiwa arzikin kasa ta’annati a Najeriya, ta bankado ma’aikatan bogi 1000 a jihar Kwara.

Ofishin hukumar a jihar Kwara ya bankado ma’aikatan na bogi ne a hukumar ilimin bai daya, bayan da aka gano sunayensu cikin jerin ma’aikatan da ke karbar albashi.

Da yake Magana da manema labarai a birnin Ilori, shugaban hukumar EFCC a jihar Kwara Mallam Isyaku Sharu, ya ce tasirin zaman gida dole, na daga cikin abinda ya taimaka wajen bankado ma’aikatan na bogi.

Malam Isyaku ya ce Covid-19 ta haifar da matsaloli masu tarin yawa a bangaren kiwon lafiya ba wai a Najeriya kadai ba, inda y ace ba za a kalli wannan a matsayin annoba ba, domin kuwa cin haci da rashawa itama annoba ce mai zaman kanta.

Hukumar EFCC ta ce a cikin watanni 16 ta samu nasarori da dama a jihar Kwara wajen bankado ayyukan cin hanci, ciki har da batun kwace ikon gidaje guda takwas a birnin Ilori kadai.

Malam Sharu, ya kuma tabbatarwa da al’umma cewa ba zasu yi kasa a gwiwa ba wajen bankado masu aikata almundahana tare da daukar matakan da suka dace a kansu.

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 333,149 other subscribers.

Copyright © 2019. Freedom Radio Group. All Rights Reserved.

error: Content is protected !!