An yi zanga-zanga a Kano kan yaki da miyagun kwayoyi

Al’ummar Rijiyar Lemo layin Baure, sun gudanar da zanga-zangar lumana domin nuna adawa da sha da fataucin miyagun kwayoyi a yankin nasu.

Masu zanga-zangar sun yi kira ga Gwamnan Jihar Kano, Injiniya Abba Kabir Yusuf, da saura masu ruwa da tsaki da s mayar da hankali wajen tura jami’an tsaro zuwa yankin domin ƙara ƙarfafa yaƙi da masu safarar miyagun kwayoyi da kuma masu yaɗa su a tsakanin al’umma.

Haka kuma, al’ummar sun miƙa saƙon godiya ta musamman ga Gwamna Abba Kabir Yusuf, da Hon. Muhi Magaji Rimin Gado, tare da sauran manyan jami’an gwamnatin jihar, bisa ƙoƙarinsu na yaƙi da matsalar miyagun kwayoyi.