Ana wata ga wata: Mutane 135 sun kamu da cutar corona a ranar alhamis a Najeriya

Cibiyar dakile yaduwar cututtuka ta kasa (NCDC) ta ce akalla mutane dari da talatin da biyar sun kamu da cutar covid-19 a ranar alhamis.

A cikin wani sako da cibiyar ta NCDC ta fitar a shafinta na twitter a daren jiya alhamis, ta ce, sai dai ba a samu rasa rai ba sanadiyar cutar ta corona.

Wannan adadi dai bai kai na ranar laraba da ta gabata ba, wanda mutane 187 suka kamu da cutar.

Rahotanni sun ce mutane dari da talatin da biyar din sun fito ne daga wasu jihohi goma sha shida na kasar nan.