Atiku ya buƙaci shugaba Tinubu ya gaggauta yin ƙarin albashi

Ɗan takarar shugaban kasa na jam’iyyar ADC, Atiku Abubakar, ya yi kira ga Shugaba Bola Ahmed Tinubu da ya gaggauta ƙara mafi ƙarancin albashi ga ma’aikata.

Atiku ya ce, albashin N70,000 da ake biya a yanzu ba shi da wata daraja sakamakon hauhawar farashin man fetur, kayan abinci, sufuri da gidaje.

A cikin wata sanarwa da daraktan sadarwa na Yyaƙin neman zaɓen shugaban ƙasa na ADC, Phrank Shaibu, ya fitar ranar Lahadi, Atiku ya ce ma’aikata na fama da talauci, duk da ƙarin da aka yi wa mafi ƙarancin albashi.