Atiku ya kalubalanci tinubu kan tattalin arziki

Dan Takarar shugaban kasa a Jam’iyyar ADC, Atiku Abubakar, ya bukaci shugaba Bola Ahmed Tinubu da ya yiwa ‘yan Najeriya cikakken bayani kan shirin gwamnatin tarayya na kwanaki 90 da aka tsara domin saukaka matsin tattalin arziki da al’ummar kasar ke fuskanta.

Atiku ya zargi gwamnatin da amfani da shirin wajen neman goyon bayan masu zabe, tare da tambayar irin matakan da za a dauka domin rage farashin kayan abinci da kuma saukaka haraji ga ’yan Najeriya.

Ya kuma bukaci gwamnatin ta fayyace yadda shirin zai amfani jama’a, musamman a wannan lokaci da ake fama da tsadar kayan masarufi da sauran kalubalen tattalin arziki.