Australian Open: Djokovic da Thiem da kuma Nadal za su killace kansu

Manyan ‘yan wasan kwallon Tennis za su killace kansu a birnin Adelaide dake kasar Australia yayin da ake tunkarar gasar Australian Open.

A dai makon gobe ne ake sa ran ‘yan wasa sama da dubu daya da dari biyu da saba’in za su sauka a birnin Melbourne inda za kuma su killace kansu tsawon makonnin biyu.

Babban jami’in dake kula da gasar ta Australian Open Craig Tiley, ya ce, ya tattauna da gwamnatin kasar don samar da masaulki ga wasu daga cikin ‘yan wasan duba da yadda dakunan Otel ke karanci a Melbourne.

A wata nasarwa da jami’an shirya gasar suka fitar ta nuna cewa, a ranar 29 ga watan Janairu za a haska manyan ‘yan wasa maza guda uku da suka hadar da Novak Djokovic da Rafael Nadal da Dominic Thiem tare da mata guda biyu Simona Halep da kuma Naomi Osaka.