Connect with us

Labaran Wasanni

US Open 2020: Dominic Thiem ya lashe gasar tare da kafa tarihi

Published

on

Dan wasa Dominic Thiem, ya samu nasarar lashe gasar kwallon Tennis ta US Open wadda aka karkare a filin wasa na Arthur Ashe Stadium dake birnin New York din kasar Amurka.

Dominic Thiem, dan kasar Austria, ya doke Alexander Zverev dan kasar Jamus da ci 2-6 da 4-6 da 6-4 da 6-3 da kuma 7-6.

Wasan wanda a ka fafata a ranar Lahadin da ta gabata, an dai shafe tsawon sama da sa’a 4 a zagaye na 5 a na fafatawa tsakanin ‘yan wasan biyu, a wasan karshe a gasar.

Zverev ya lallasa Thiem a zagaye na farko da na biyu kafin daga bisani Thiem ya lashe gasar a zagaye na uku da na hudu da kuma na biyar, yayin da hakan ya kasance shi ne karo na farko a tarihin gasar ta US Open da wannan abun ya faru.

Wannan dai shi ne karo na farko da Dominic Thiem ya samu damar daga kambun gasar kwallon Tennis ta Grand Slam a tarihin wasan sa.

Click to comment

You must be logged in to post a comment Login

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 331,771 other subscribers.

Copyright © 2019. Freedom Radio Group. All Rights Reserved.

error: Content is protected !!