Babban Sufeton Ƴan sanda ya turo samar da jirgi mai sauka Ungulu a Kano yayin zaɓe

Rundunar ‘yan sandan jihar Kano ta ce, babban Sifeton yan sanda Usman Alkali Baba, ya sake turo jirgin sama mai saukar Ungulu wanda ke dauke da na’urorin daukar hotuna da zai rika shawagi a sararin samaniya domin tabbatar da cewa an yi zabe lafiya a yau Asabar.

Mai magana da yawun rundunar na Kano SP Abdullahi Haruna Kiyawa ne ya bayyana hakan a zantawarsa da manema labarai.

SP Kiyawa ya kara da cewa , baya ga jirgin saman da babban Sifeton ya aiko, akwai karin jami’an tsaro da karin bindigogi da sauran kayayyakin inganta tsaro domin ganin an yi zabe lafiya an gama lafiya.

Haruna kiyaw ya ce jihar Kano za ta gudanar da zabe cikin kwanciyar hankali sakamakon matakan tsaro da aka sanya mata.