Gwamnatin Kaduna ta sanya dokar ta ɓaci Zangon Kataf

Hukumomi a jihar Kaduna sun sanya dokar hana fita ta sa’o’i 24 a Unguwannin Juju da Mabuhu da Ungwar Wakili duk a yankin karamar hukumar Zangon kataf.

Sanya dokar dai ya biyo bayan gano gawarwaki 10 bayan da wasu da ake zargin ‘yan ta’adda ne suka kai hari yankunan.

Hakan na kunshe ne ta cikin wata sanarwa da mataimaki na musamman ga shugaban karamar hukumar Zangon Kataf Yabo Ephraim ya fitar a yau Lahadi.

Sanarwar ta ce, sanya dokar na daga cikin matakan daƙile matsalolin tsaro da kuma baiwa sojojin damar dawo da zaman lafiya a yankin.

Har yanzu dai rundunar ‘yan sandan jihar ta Kaduna ba ta ce komai a kan lamari.