Babu wani dalili da zai sa a daina amfani da allurar AstraZeneca – WHO

Hukumar Lafiya ta Duniya WHO ta ce babu wani dalili da zai sa a daina amfani da allurar AstraZeneca ta Covid-19.

A cewar WHO wasu daga cikin kasashen Turai da dama sun dakatar da amfani da rigakafin saboda yadda take haifar da daskarewar jini da kuma janyo asarar rayuka.

WHO ta kuma ce a yanzu haka kwamitinta na ba da shawara kan allurar rigakafin yana duba wasu bayanai don gano yadda rigakafin ke da alaka da haifar da wasu cututtuka ga wadanda aka yi wa.

A baya-bayan nan ne dai kasashen Denmark, Norway, Iceland, Italiya da Romania suka dakatar da ci gaba da yiwa mutne allurar rigakafin corona ta AstraZeneca bayan rahoton da aka samu na wadanda suka karba sun gamu da daskarewar jini.