Buhari ya amince da kwangiloli 16 domin bunƙasa wutar lantarki

Majalisar zartarwa ta ƙasa ta amince da bayar da kwangiloli 16 don farfaɗo da harkokin samar da wutar lantarki a Najeriya.
Majalisar ta amince da hakan a wani zama na musamman da mataimakin shugaban kasa Farfesa Yemi Osinbajo ya jagoranta yau a fadar shugaban ƙasa.

Yayin zaman an kuma amince da buƙatu guda 16 da ministan lantarki Injiniya Abubakar Aliyu ya gabatar wa majalisar.
Ministan ya ce, ƙarancin wutar lartarkin da ake samu a ƙasar nan na da alaƙa da yadda mahukunta suka yi watsi da ɓangaren a baya, ba tare da mayar da hankali wajen bunkasa shi ba yadda ya dace ba.

Ya ƙara da cewa ƙarancin wutar lantarki ya gurguntar da tattalin arziƙin ƙasar nan fiye da yadda ake zato.

Ƙarin labarai:

Za’a daga matsayin tashar wutar lantarki ta jihar Yobe