Buhari ya nada Amokachi a matsayin mai taimaka masa kan harkokin wasanni

Daga Abdullahi Isa

Shugaban kasa Muhammadu Buhari ya nada tsohon dan wasan Kungiyar kwallon kafa ta kasa Super Eagles, Daniel Amokachi a matsayin mai taimaka masa kan harkokin wasanni.
Hakan na cikin wata takardar shaidar nadin da Ofishin sakataren gwamnatin tarayya ta bai wa Amokachi a yau Alhamis.

Amokachi dai yana cikin tawagar yan wasan kasar nan da suka lashe kofin Afurka a shekarar 1994 a kasar Tunisia.

Haka zalika ya Kuma taka rawar gani a gasar cin kofin Duniya da kasar nan ta fara halarta wanda akayi a kasar Amurka a shekarar ta 1994.