Chelsea na zawarcin dan wasan Najeriya da Napoli, Victor Osimhen

Zakarun gasar Champion League a kakar wasanni ta 2020/2021 Chelsea na zawarcin dan wasan gaba na Super Eagles da Napoli Victor Osimhen.

Osimhen dai ya zura kwallaye 6 da kuma taimakawa aka zura kwallo 1 a wasanni 6 da ya buga a kungiyar tasa ta Napoli akakar wasanni da muke ciki ta 2021/2022.

A baya-bayannan dai kungiyar kwallon kafa ta Manchester City ta yi yunkurin siyan dan wasan mai shekaru 22.

Sai dai rahotanni sun bayyana tuni kungiyar Chelsea, Real Madrid, da Paris Saint-Germain ke ci gaba da zawarcinsa.

Dan wasan dai ya taka rawar gani a wasan da  Napoli ta yi  2-2 da Leicester City a gasar  Europa League ta bana.

Osimhen dai kwantaraginsa da Napoli zai kare a shekarar 2025.