Cikin watanni 2 mutane 450 ne suka kamu da cutar Corona – Buhari

Gwamnatin Tarayya, ta ce cikin watanni biyu a kalla yan kasar dari hudu da biyar ne suka rasa rayukansu sakamakon cutar corona.

Shugaban Kwamtin kar-ta-kwana na yaki da cutar Boss Mustapha ne ya bayyana hakan rahoton da ya fitar jiya Litinin.

Ya ce, ma’aikatan kiwon lafiya saba’in da biyar ne suka kamu da cutar a makon da ya gabata, ciki kuwa har da rahoton da ke nuna cewa mutum bakwai sun kamu da nau’in cutar corona da aka gano ta a Burtaniya.

Boss Mustapha ya nuna damuwarsa kan yadda jihar Lagos ke zama a mataki na farko na masu yawan cutar, tare da sauran kananan hukumomi 22.

Ya kuma ce akwai yiwuwar dakatar da tashin jirage daga Hadaddiyar Daular Larabawa da wasu kasashen.