Corona: Ku daina ziyartar kasashen Indiya, Brazil, Turkiya – Buhari ga ‘yan Najeriya

Gwamnatin tarayya ta gargadi ‘yan Najeriya da su kaucewa tafiye-tafiye zuwa kasashen Indiya, Brazil, Turkiyya da kuma Afirka ta Kudu, sakamakon yadda cutar Covid-19 ke ci gaba da yaduwa kamar wutar daji.

Kwamitin yaki da cutar Corona na fadar shugaban kasa ne ya sanar da hakan yayin taron manema labarai ta bakin wani babban jami’inta Dr. Mukhtar Muhammad.

Dr. Mukhtar Muhammad ya ja hankalin jama’a da su rika bin matakan kariyar cutar sakamakon yadda take ci gaba da kara bazuwa a wasu kasashen duniya.

Matakan kariyar sun hada da bayar da tazara da sanya takunkumin rufe baki da hanci da wanke hannu.